01:09 სუშანტ სინგ რაჯპუტი | |
|
ოთხი წლის შემდეგ სიმართლე გაირკვა" - ბოლივუდის მსახიობი, რომელსაც შეყვარებულის სიკვდილში სდებდნენ ბრალს, სასამართლომ გაამართლა 19:55 / 26-03-2025 "ოთხი წლის შემდეგ სიმართლე გაირკვა" - ბოლივუდის მსახიობი, რომელსაც შეყვარებულის სიკვდილში სდებდნენ ბრალს, სასამართლომ გაამართლა ბოლივუდის მსახიობი რეა ჩაკრაბორტი, რომელსაც სასამართლო 34 წლის სუშანტ სინგ რაჯპუტის სიკვდილში სდებდა ბრალს, გაამართლეს. მსახიობს გისოსებს მიღმა 27 დღის გატარება მოუწია. სუშანტ სინგ რაჯპუტი 2020 წლის 14 ივნისს, საკუთარ სახლში გარდაცვლილი იპოვეს. პირველადი ცნობები თვითმკვლელობაზე მიუთითებდა, იმასაც ამბობდნენ, რომ მსახიობი ფსიქიკური ჯანმრთელობის პრობლემებს ებრძოდა. თუმცა მალევე, თაყვანისმცემლებმა და ჟურნალისტებმა გარდაცვალებაში მისი შეყვარებული რეა ჩაკრაბორტი დაადანაშაულეს. ჩაკრაბორტის წინააღმდეგ გამოძიება დაიწყო - დააბრალეს, რომ გარდაცვლილ მსახიობს ნარკოტიკებსა აწვდიდა და 2020 წლის 8 სექტემბერს დააპატიმრეს. ჩაკრაბორტის დევნიდნენ, ავიწროებდნენ და უმოწყალოდ აბულინგებდნენ. მედიამ მას "ბედის მონადირე", "მაფიის თოჯინა" და "მამაკაცების სატყუარა" შეარქვა. ციხიდან გათავისუფლების შემდეგ მსახიობმა საკუთარი ბიზნესი წამოიწყო და თავისი გამოცდილების შესახებ პოდკასტში ისაუბრა. "ბოლივუდში გავლენიან ადამიანებს დავუკავშირდი. კვლავ ფილმში გამოჩენა მინდოდა, თუმცა მალე გავაცნობიერე, რომ ეკრანზე ჩემი დანახვა არავის გაუხარდებოდა. სოციალური მედიის ყალბი ნარატივი სრულიად დაუსაბუთებელი იყო. დიდი ხნის განმავლობაში გაბრაზებული ვიყავი. ეს ფაქტი ძალიან მაწუხებდა - ამიტომ პატიება გადავწყვიტე" - განაცხადა მსახიობმა. ახლა, ოთხი წლის შემდეგ, სიმართლე გამოვლინდა. ინდოეთის გამოძიების ცენტრალურმა ბიურომ (CBI) სასამართლოს განუცხადა, რომ რაჯპუტი თვითმკვლელობით გარდაიცვალა და რომ ჩაკრაბორტის მის სიკვდილში არანაირი როლი არ ჰქონია. | |
|
| |
| სულ კომენტარები: 0 | |